தவம்

தவம் 

தவஞ்செய்வார் தங்கருமஞ் செய்வார்மற் றல்லார்
அவஞ்செய்வார் ஆசையுட் பட்டு

 - திருக்குறள் 266

தவம் செய்கின்றவரே தமக்குரிய கடமையைச் செய்கின்றவர் ஆவர், அவர் அல்லாத மற்றவர் ஆசை வலையில் அகப்பட்டு வீண் முயற்சி செய்கின்றவரே. இது வள்ளுவப் பெருந்தகையின் வாக்கு.

சரி, எது தவம் ? அடக்கமும், அன்பும், பொறுமையும் வாய்ந்த வாழ்வுதான் தவமாகும்.

அத்தகைய வாழ்க்கையை மேற்கொண்டவர்கள் மட்டுமே கடமையைச் செய்பவர்கள்; மற்றவர்கள், ஆசையால் அலைக் கழிக்கப்பட்டு வீணான செயல்களில் ஈடுபட்டு துன்பத்தில் உழல்பவர்கள் ஆவார்கள் என்பதே நுட்பமான கருத்தாகும். 

ஒருவர் தன்னை வருத்தி முழுப் பக்தியுடன் இறைவனை நோக்கி தவம் செய்தால், அதற்கு இறைவன் கட்டுப்பட்டு வரம் வழங்குவான் என்பதே தவத்தின் அடிப்படை கருத்தாகச் சொல்லப்படுகிறது. ஆனால், உண்மையில் தவம் என்பது இந்த பிரபஞ்சமும் இந்த பிரபஞ்சத்தில் உள்ள அனைத்து உயிர்களும், உயிரற்ற பொருட்களும் உருவாக காரணமான பேராற்றலை பற்றி விழிப்புணர்வு பெறுதலும் அவ்வாற்றலை வாழ்வில் பயன்படுத்தலுமே ஆகும்.

அப்படியானால் தவமிருந்து ஞானம் பெற்றார்கள் என்று சொல்கிறார்களே ? என்று கேட்டால், ஞானம் பெற்று உண்மையை உணர்வதற்காக செய்யப்படும் முயற்சிகளும் தவம் என்றே வழங்கப்படுகின்றன. அந்த வகையில் ஒழுக்கமான வாழ்வே தவமாகும் என்பது கோட்பாடு. அதாவது தீவிர நோக்கமும், அதை அடைவதற்கான முயற்சிகளும் தவம் என்று சொல்லப்படுகின்றன. 

உலகில் காணும் மற்ற அனைத்து உயிரினங்களையும் உற்றுப் பார்த்தால், அவைகளிடத்தில் ஒவ்வொரு உயிரினங்களிலும் ஒவ்வொரு சிறப்பான ஆற்றல்கள் வெளிப்படுவதைக் காணலாம். ஆதலால் இவை அனைத்தையும் கடந்து பரிணாமத்தின் எல்லையாக விளங்கும் மனிதனிடத்தில், அத்தனை உயிரினங்களிடத்தில் விளங்கிய சிறப்பியல்புகளும் ஒரு சேர அமைந்திருக்கிறது. ஆனால், தனக்குள் இத்துனை ஆற்றல்கள் இருக்கின்றன என்பதை மனிதன் உணராமல் இருக்கிறான். அதற்குக் காரணம், புலனின்பப் பற்றுதலே ஆகும். இந்தப் பற்றுதல் இருக்கும் வரை மனம் இருக்கும். இந்தப் பற்றுதலை விட்டு விட்டால் மனம் இருக்காது. மனம் இருந்தால்தான் அவன் மனிதன். மனம் இல்லாதவன்... கடவுள் !!!

கண், காது , மூக்கு , நாக்கு, தோல் ஆகிய ஐந்து புலன்களில் ஒரு புலனின் செயல்பாடு குறைந்தாலும் மற்ற புலன்களின் ஆற்றல் அதிகமாகும். உதாரணமாக கண் பார்வை அற்றவர்களுக்கு கேட்கும் திறன் அதிகமாயிருப்பதைக் காணலாம். அப்படியானால், ஐந்து புலன்களுமே செயல்படாவிட்டால் என்னவாகும் ? என்று ஒரு நண்பர் கேட்டார். நான் சொன்னேன் மனிதன் செத்துப் போய்விடுவான் என்று. 

பிறகு ஏன் புலன்களை அடக்கு அடக்கு என்று சொல்கிறார்கள் ? அடக்குவது என்பது தன் வசப்படுத்துவது. அதாவது புறவுலக வாழ்வில் உழன்று கொண்டிருக்கும் மனதையும், புலன்களையும் வசப்படுத்தி அவற்றின் ஆற்றல்களை அகவுலகில் செலுத்த வேண்டும். இதுவே தவம். இவ்வாறு தவம் செய்யும் பொழுது நாம் ஐந்து புலன்களின் சலனங்களைக் குறைத்து நுண்ணிய மனோநிலைக்கு செல்கிறோம். பின் மனமற்ற நிலைக்கு செல்லுகிறோம். (இதை வேதங்களில் மனோநாசம் என்றும் சொல்லுவார்கள்.) அப்பொழுது உள்ளுணர்வு விழிப்படைகிறது .அப்பொழுது நம்மிலும் நம்மைச் சுற்றிலும் எங்கும் நிறைந்திருக்கும் பேராற்றல் உணரப்படுகிறது. எல்லாவற்றிற்கும் மூலமானது அந்த பேராற்றலே என்பது தெளிவாகிறது. நாமும் அவ்வாற்றலே என்பதையும் உணர்கிறோம். அதுவே ஞானமுமாகும்.

இதற்காண உபாயங்கள் அல்லது யுக்திகளே அஷ்டாங்க யோகங்களாக வடிவமைத்துத் தரப்பட்டுள்ளன. தவம் என்பது தியானத்தின் முதிர்ச்சி. தியானம் என்பது தாரணையின் முதிர்ச்சி. தாரணை என்பது பிரத்தியாகாரத்தின் முதிர்ச்சி. பிரத்தியாகாரம் என்பது புலனடக்கத்தின் முதிர்ச்சி. எனில் இந்தப் புலனடக்கம் எதனால் அமையும் ? மனதால் அமையும். மனம் சலனமடைந்தால் புலனடக்கம் அமையாது. மனம் எதனால் சலனமடைகிறது. மனம் ப்ராணனால் சலனமடைகிறது. எனவே ப்ராணனை வசப்படுத்தி, வலிமைப்படுத்த வேண்டியதிருக்கிறது. அதற்கு உடலும் வலிமையாக இருக்க வேண்டும். உடல் வலிமையாக இருக்க வேண்டுமானால் ஒழுக்கமான வாழ்வு மிக மிக அவசியமாகும். ஒழுக்கமான வாழ்வு எதனால் அமையும் ? அது தீவிர பரநாட்டத்தால் மட்டுமே அமையும். அத்தகைய தீவிர நோக்கமே தவம் எனப்படுகிறது.

இப்பொழுது பாருங்கள் ஆரம்ப நிலையும் தவமே. தியானத்தின் முதிர்ச்சியாகிய சமாதி நிலையும் தவமே. ஆகவேதான் இயம நியம விதிகளுக்குட்பட்டு வாழும் நல்வாழ்வும் தவம் என்று சொல்லப்பட்டுள்ளது. தவத்திலேயே தொடங்கி தவத்திலேயே முடிவு பெறுவதே வீடுபேறாகும். அல்லாத பேர்கள் விடுபட்ட பேர்களாவார்கள். அவர்கள் ஆசை வயப்பட்டு பிறவிப் பிணிக்கு ஆளாவார்கள்.

- Ram Manohar

Comments

Post a Comment

Popular posts from this blog

அறம், பொருள், இன்பம், வீடு

அறம், பொருள், இன்பம், வீடு உண்மை என்பது வேறு நிலையான நிரந்தர உண்மை என்பது வேறு. இந்த உடல் இப்போது இருக்கிறது. அது உண்மைதான். ஆனால், நாளை இருக்குமா ? சந்தேகம் தான். " ஊரும், உற்றாரும், யாரு ம்  சதமல்ல " என்று பட்டினத்தார் சொல்வது இதைத்தான்.  ஆனால், உலகம் முழுவதிலும் எப்போதும் மாறாத, அழியாத உண்மை ஒன்று இருக்கிறது. அது ஏன் நமக்குத் தெரியவில்லை ? என்றால், நிலையற்ற உண்மைகளை பெரிதென எண்ணி நிலையான உண்மைகளை விட்டு விலகி நிற்பதேயாகும். அந்த நிலையான உண்மையோடு இணைந்து எப்பொழுதும் அந்த உணர்வு நிலையிலேயே இருப்பதே நம் உண்மையான இயல்பாகும். அதுவே தர்மம் அல்லது அறம் எனப்படும்.  நாம் நினைப்பது போல தானம் செய்வது மட்டும் தர்மமல்ல.   அதாவது உலகில் காணும் எந்த ஒன்றும் அதனதன் இயல்பிலேயே இருப்பதே தர்மம் என்றும் அறம் என்றும் சொல்வார்கள்.  ஒவ்வொரு புனித நூல்களுக்கும் ஒரு சாராம்சம் இருக்கும். அந்த நூல்களில் சொல்லப்பட்டுள்ள விஷயங்கள் அனைத்தையும் ஓரிரு வாக்கியங்களில் சுருக்கிச் சொல்லி விடுவார்கள். கீதையின் சாரம் " கடமையைச் செய் பலனை எதிர்பாராதே " என்பது. பைபிளின் சாரம் " உன்னை...
Read more

பிரபஞ்சம் உருவானது எப்படி?

பிரபஞ்ச ம்  உருவானது எப்படி? ஒன்றவன் தானே இரண்டவன் இன்னருள் நின்றனன் மூன்றினுள் நான்குணர்ந் தான்ஐந்து வென்றனன் ஆறு விரிந்தனன் ஏழும்பர்ச் சென்றனன் தானிருந் தான்உணர்ந் தெட்டே -  திருமூலர் திருமந்திரம் பாடல் 1   பி ரபஞ்சம் உருவாவதற்கு முன் இருந்த ஒன்றுதான் கடவுள்.  அவனது அருளின் காரணமாக, ஓம் என்ற பெருவெடிப்பில் அகாரம் என்ற எதிர்மறை சக்தி துகள்களாகவும் மற்றும் நேர்மறை சக்தி துகள்களாக இரண்டு சக்தி நிலையாக மாறினான் . இதை பிரபஞ்சவாலை என்கிறார் போகர் . இதை காயத்திரி சக்தி என்கிறார் விசுவாமித்திரர் . (பார்க்க காயத்திரி மந்திரம் வாலை தியானம் பதிவு ) இதை ஆம் ஊம் என்றார் கருஊரார்.  இந்த சக்தி துகள்கள் மகாரம் என்ற நடுநிலை துகளாக மூன்றானது. நாதவிந்து என்ற நான்காம் உயிர் துகள் ஆனது . நாதவிந்து என்ற உயிர் துகள் நேர்ம றை  உயிர்துகள் எதிர்மறை உயிர்த்துகள் ஆக பிரிந்தது . எனவே அகார, உகார, மகார, நாத விந்து ஆகிய ஐந்து அடிப்படை துகள்கள் உருவாகின. இந்த ஐந்தை பஞ்சவிதது என்கிறார் அகத்தியர். இந்த பஞ்ச வித்துக்களே பஞ்ச பூதமாகின ( மண், நீர், நெருப்பு, காற்று, ஆகாயம்...
Read more

ஆழ்மன தியானம்

ஆழ் மனதைத் தொடர்பு கொள்ள, மனதின் மற்ற இயக்கங்கள் இல்லாத அமைதியான நிலை வேண்டும். கனவற்ற ஆழ்ந்த உறக்கம் என்பது கூட ஒரு வரம்தான். இதனால் ஆன்மிக முன்னேற்றங்கள் ஏதும் இல்லை, இது ஒரு ஜட உறக்கம் என்றுதான் சொல்லப்பட்டுள்ளது. ஆனாலும் கூட நம் அழுத்தமான எண்ணங்கள், கேள்விகள், எதிர்பார்ப்புகளுக்குத் தீர்வு அல்லது விடை அப்பொழுதான் பிறக்கின்றன என்பது மிகப் பெரிய உண்மையாகும்.  நமக்குத் தேவையான எந்த ஒரு விஷயத்தையும் அடைவதற்கு அல்லது நமது பிரச்சனைகளை தீர்ப்பதற்கு மனம்தான் கருவியாக அமைகிறது. ஆனால், அதற்கு மனம் அமைதியாக இருக்க வேண்டும், மூளையின் செயல் திறன் வலிமையாக இருக்க வேண்டும். மனதைப் பொருத்த வரை புறமனம் மற்றும் நினைவு மனத்தை விட ஆழ்மனம்தான் வலிமை பெற்ற பகுதியாக விளங்குகிறது. அதே சமயம் புறமனமும், நினைவு மனமும் இயங்கிக் கொண்டிருக்கின்ற நேரத்திலே ஆழ்மனதின் இயக்கம் நம் உணர்வுக்கு வருவதில்லை. புறமனதின், நினைவு மனதின் இயக்கங்கள் குறையும் பொழுதுதான் ஆழ்மனதின் சிந்தனைகள் வலிமையாகச் செயல்படுகின்றன.  இதை நாம் அனைவருமே நம் அனுபவத்தில் பார்த்திருக்கிறோம். தீர்க்க முடியாத ஏதோ ஒரு பிரச்சனையைப் பற்...
Read more